Connect with us

 

മിനി സ്ക്രീൻ പ്രേക്ഷകരുടെ പ്രിയ താരദമ്പതികളാണ് മനോജ് കുമാറും ബീന ആന്റണിയും. ഇരുമതത്തിൽപ്പെട്ടവരാണെങ്കിലും ഇവരുടെ ദാമ്പത്യം മറ്റുള്ളവർക്ക് ഒരു മാതൃക തന്നെയാണ്. ഇപ്പോഴിതാ ബീന ആന്റണിക്ക് കോവിഡ് ബാധിച്ച് ആശുപത്രിയിലാണെന്ന് കണ്ണീരോടെ അറിയിച്ചിരിക്കുകയാണ് മനോജ് തൻ്റെ സോഷ്യൽ മീഡിയയിലൂടെ.

 

‘‘ലൊക്കേഷനില്‍ നിന്നു വന്ന് വീട്ടിൽ ക്വാറന്റീനിൽ കഴിയുകയായിരുന്നു ബീന. എന്നാൽ ശാരീരിക വിഷമതകള്‍ കൂടിയപ്പോൾ ആശുപത്രിയിൽ പ്രവേശിപ്പിച്ചു. അപ്പോഴേക്കും ന്യുമോണിയ ബാധിച്ചിരുന്നു. ചെസ്റ്റിൽ അണുബാധയുണ്ടായി. പിറ്റേദിവസം അതു കൂടി. ശരീരം മരുന്നുകളോട് പ്രതികരിച്ചില്ല. ആദ്യം ബീനയോട് ഒന്നും പറഞ്ഞില്ല. പിന്നീട് കാര്യങ്ങൾ പറഞ്ഞു. അഞ്ച് ദിവസം കടന്നു പോയതെങ്ങനെയെന്നറിയില്ല. ഞാൻ രവും പകലും കണ്ണീരോടെ പ്രാർത്ഥിച്ചു, എല്ലാം ഈശ്വരൻ്റെ മുന്നിലാണ് എന്ന് കരഞ്ഞു പറഞ്ഞു. മറ്റാരോടും ഒന്നും പറഞ്ഞില്ല. ഐ.സി.യു നോക്കണമെന്ന് ഒരു ദിവസം ഡോക്ടർ പറഞ്ഞു. ആവശ്യം വേണ്ടി വന്നാലോ. രോഗം കൂടിയാൽ അവിടെ വെന്റിലേറ്ററും മറ്റും ഒഴിവില്ല. പിറ്റേ ദിവസം ചെറിയ മാറ്റം കണ്ടു. ഇന്നലെ ആശുപത്രിയിൽ നിന്നു വിളിച്ചു. കുഴപ്പമില്ല. നല്ല മാറ്റം കാണുന്നു. നാളത്തെ എക്സ് റേയാണ് പ്രധാനം. ഭയക്കാനില്ലെന്നാണ് പ്രതീക്ഷയെന്നു പറഞ്ഞു. ഇന്നു രാവിലെ എക്സ് റേ എടുത്തു. ദൈവം കാത്തു നല്ല പുരോഗതിയുണ്ട്. പേടിക്കാനില്ലെന്ന് ഡോക്ടർ പറഞ്ഞു’’. – മനോജ് പറയുന്നു തൻ്റെ ഫേസ്ബുക്ക് പേജിലൂടെ പങ്ക് വെച്ചു.

Advertisement
Click to comment

Leave a Reply

Your email address will not be published. Required fields are marked *